Ölkənin ən böyük yarımstansiyası olan 500/330/220/10 kV-luq strateji əhəmiyyətli “Abşeron” yarımstansiyası əsaslı şəkildə yenidən qurulub. Nəticədə yarımstansiyanın yükötürmə qabiliyyətinin artırılmasına, elektrik təchizatının etibarlığının və dayanıqlığının yüksəldilməsinə, itkilərin azaldılmasına, müasir standartlara cavab verən innovativ həllərin tətbiqinə nail olunub. Müasir idarəetmə, rele muhafizəsi və avtomatika dövrələrinin quraşdırılması, avadanlıqların imtinası və zədələnməsinin qarşısının alınması, mühafizələrin cəld, selektiv, etibarlı işi və operativ əməliyatların çevikliyi təmin edilib. Yarımstansiyanın idarəolunması tam rəqəmsallaşdırılıb. Eyni zamanda, dispetçer idarəetmə otağında “Azərenerji” ASC-nin mərkəzi SCADA sistemi tam həcmdə təkrar ehtiyat variantda quraşdırılıb.
RELATED PROJECTS
